काठमाडौ, जेठ १८ (हाकाहाकी)– पूर्व अर्थमन्त्री तथा सत्तापक्ष नेकपाका सांसद सुरेन्द्र पाण्डेले विद्यूतिय सवारी साधनमा लगाइएको करमा पुनः विचार गर्न सरकारलाई आग्रह गरेका छन् ।
आइतबारको संसद बैठकमा उनले यस्तो आग्रह गरेका हुन । ‘पेट्रोलियम आयातमा दिर्घकालिन समाधान दिन सक्छ’, उनले भने ।
सांसद पाण्डेले सरकारले विद्यूतिय साधनमा जे सुकै तर्क गरेर कर लगाएको भएता पनि विद्यूतिय साधनलाई प्रोत्साहन गर्नुपर्ने बताए ।
अर्थमन्त्री युवराज खतिवडाले बिहीबार ०७७÷७८ बजेट सार्वजनिक गर्दै सरकारका नीति तथा कार्यक्रम, १५ औं योजना तथा उर्जामन्त्रालयको स्वेतपत्रर प्रधानमन्त्रीको घोषणा तथा प्रतिवद्धता विपरित तीनै विद्युतीय सवारी साधनको कर बढाउनु भएको हो ।
यस्ता गाडीको आयातमा अबदेखि ८० प्रतिशत भन्सार, ४० देखि ८० प्रतिशतसम्म अन्तशुल्क लगाइएको छ । १३ प्रतिशत मूल्य अभिवृद्धि कर र सडक दस्तुर पनि छ । यसबाट यस्ता गाडीको मूल्य आकासिने अवस्था सिर्जना भएको छ, जवकि यसअघि यस्ता गाडीको भन्सार १० प्रतिशतमात्रथियो । यसबाट यस्ता गाडीको मूल्यकरिब दोब्बर हुने निश्चित छ । यसले विद्युतीयसाधनको प्रयोगलाई निरुत्साहित गरेको छ ।
यसबाट के पुष्टि हुन्छ भने सरकार आफ्ना योजना, नीतिकार्यक्रम र प्रतिवद्धतामा स्थिर छैन । नेपाल सरकारले जे भन्छ त्यो गर्दैन, जे भन्दैन त्यो गर्छ भन्ने कुरा यसबाट पुष्टि हुन्छ । सरकारले यस्ता साधनमाथपेका विभिन्न करको सर्वत्र विरोध भइरहेको छ ।
