काठमाडौं–उपत्यकाको कीर्तिपुरमा शुक्रबार ‘स्वच्छ कीर्तिपुर प्रवर्द्धन मेला–२०७५’ शुरु भएको छ।
कीर्तिपुर नगरपालिकाले ‘स्वच्छ कीर्तिपुर महाभियान अन्तर्गत आयोजना गरेको सो मेला शनिबारसम्म सञ्चालन हुनेछ।
नयाँ बजारस्थित बास्केटबल खेल मैदानमा आयोजित मेलामा १० वटै वडाका महिला तथा विद्यार्थीले फोहोरबाट बनाएका विभिन्न आकर्षण खेलौना तथा सजावटका सामग्री प्रर्दशनमा राखिएको छ।
कीर्तिपुर नगरपालिका र असर छिमेकी नेपालको आयोजनामा सञ्चालित मेलाका लागि कीर्तिपुर फोहोर व्यवस्थापन सेवा, ल्किन नेपाल, नेपाल स्वच्छ सिर्जना वातावरण केन्द्र र स्वच्छ वातावरण संरक्षण समितिले सहयोग गरेका छन्।
वडा नम्बर १ का वडा अध्यक्ष हर्ष महर्जन ‘स्वच्छ कीर्तिपुर महाभियान’ अन्तर्गत गत चैतदेखि विभिन्न अभियान सञ्चालन भइरहेको र सोही अनुरुप मेलाको आयोजना गरिएको बताउँछन्।
