काठमाडौं-वातावरण संरक्षणका क्षेत्रमा कलम चलाए वापत हिमाल खबरपत्रिकाका मुकेश पोखरेल र कान्तिपुर दैनिकका कपिलवस्तु संवाददाता मनोज पौडेलले वातावरण पत्रकारिता पुरस्कार पाएका छन् । वन तथा वातावरण मन्त्रालयले पोखरेल र पौडेललाई वातावरण पत्रकारिता पुरस्कार दिएको हो ।
विश्व वातावरण दिवसका अवसरमा ललितपुरको जावलाखेलमा आयोजित कार्यक्रममा पोखरेल र पौडेललाई प्रधानमन्त्री केपी शर्मा ओलीले नगद ५०–५० हजार र प्रमाणपत्र सहित सम्मान गरेका हुन् । वन र वातावरण्का क्षेत्रमा कलम चलाउने दुई जना पत्रकारलाई वातावरण मन्त्रालयले पुरस्कार दिदै आएको छ ।
दिवसका अवसरमा वातावरण क्षेत्रमा योगदान दिएवापत जलविनायक वन उपभोक्ता समूह कीर्तिपुर–६ चोभार र पर्यावरणीय दिगो विकास एवं अनुसन्धान केन्द्र विजौरी, दाङले पुरस्कार पाएका छन् । ती दुबै संस्थाले ५०–५० हजार नगद र प्रमाणपत्र पाए ।
