१ माघ, चितवन
गैंडाको आक्रमणबाट माडीमा एक जनाको मृत्यु भएको छ । माडी नगरपालिका–३ का ५६ वर्षीय छविलाल वोटको निधन भएको हो ।
नजिकैको जंगलमा भैंसी चराउन गएका उनलाई गैंडाले आक्रमण गर्दा घटनास्थलमै मृत्यु भएको जिल्ला प्रहरी कार्यालय प्रमुख गौतम मिश्रलेजानकारी दिए । उनका अनुसार मृतकको शव परीक्षणका लागि भरतपुर अस्पताल ल्याइएको छ ।
यसैबीच, माघे संक्रान्ति नुहाउन गएका एक जना देवघाटको झोलुंगे पुलबाट हामफालेर बेपत्ता भएका छन् । लमजुङ घर भएका ४१ वर्षीय मदन परियार बेपत्ता भएपछि प्रहरीले खोजी कार्य अगाडि बढाएको छ ।
रासस
