१८ असोज, काठमाडौं
हालैको बाढीपहिरोमा २ सय ३९ जनाको निधन भएको छ । अझै १९ जना वेपत्ता र १ सय ७७ जना घाइते छन् ।
बाढी, पहिरो प्रभावित क्षेत्रबाट १७ हजार १ सय ३१ जनाको उद्धार गरिएको गृह मन्त्रालयले जनाएको छ । वर्षाले क्षति बनाएका सडक मर्मत गरी यातायात सञ्चालनको तयारी भइरहेको मन्त्रालयका सहसचिव एवं प्रवक्ता ऋषिराम तिवारीले बताए ।
वर्षाले बिपी राजमार्गका अधिकांश ठाउँमा अवरोध पुगेको छ । सो मार्ग अवरुद्ध भएपछि काठमाडौंको नागढुंगा नाकाहुँदै बाहिरिने सवारी साधनको चाप बढेको छ । यो मार्गमा पहिरो खसे तत्कालै पन्छाउने व्यवस्था मिलाइएको गृह मन्त्रालयको भनाइ छ ।
