काठमाडौ, जेठ ११ (हाकाहाकी)– बारा जिल्ला प्रहरी कार्यालयमा कार्यरत थप तीन जना प्रहरीमा कोरोना भाइरस संक्रमण देखिएको छ ।
यो सँगै त्यहाँ कोरोना भाइरस पुष्टि भएका प्रहरीको संख्या पाँच पुगेको छ । आज स्वास्थ्य मन्त्रालयले गरेको मिडिया ब्रिफिङमा थप तीन जना प्रहरीमा कोरोना भाइरस संक्रमण पुष्टि भएको हो ।
आइतबार नै बारा प्रहरीमा कार्यरत सईमा पनि कोरोना भाइरस संक्रमण पुष्टि भएको छ । वीरगन्जका प्रहरी जवान, रौतहटका प्रहरी जवान र कलैयाका हवल्दारमा कोरोना भाइरस संक्रमण पुष्टि भएको हो ।
ऋाज बिहानमात्र सर्लाही घर भई बारा प्रहरीमा काम गर्ने एक सईमा पनि कोरोना भाइरस संक्रमण पुष्टि भएको थियो । यसअघि बारा प्रहरीकै मुद्दा शाखाका एक जना प्रहरीमा पनि संक्रमण देखिएको थियो ।
उहाँलाई संक्रमण देखिएपछि कन्ट्याक्ट ट्रेसिङका आधारमा यी प्रहरीहरु क्वारेन्टाइनमा बसेका थिए।
