काठमाडौ, बैशाख ३१ (हाकाहाकी)—हङकङमाआज दुई नयाँ कोरोना भाइरस संक्रमित भेटिएका छन् ।
यससँगै त्यहाँ कोरोना संक्रमितको संख्या एक हजार ५१ पुगेको छ । संक्रमितमध्ये चार जनाको मृत्यु भएको छ भने एक हजार उपचारपछि स्वस्थ बनेका छन् ।
नयाँ दुई , कोरोना संक्रमित स्थानीयबाट स्थानीयमा सरेको साउथ चाइना मर्निङ पोस्टले जनाएको छ ।२२ दिनपछि त्यहाँ स्थानीयबाट स्थानीयमा कोरोनाको संक्रमण भएको हो ।
यसअघि तीन हप्तासम्म स्थानीय संक्रमण देखिएको थिएन। विदेशबाट फर्किने नागरिकमा मात्र कोरोना देखिने क्रम जारी थियो । बुधबार देखिएका नयाँ संक्रमित ६६ वर्षकी वृद्धा र उनका पाँच वर्षकी नातिनी हुन्। सरकारले बुधबार नै हङकङमा कोरोना परीक्षणलाई अझ तिव्रता दिने जनाएको छ।
