काठमाडौ, बैशाख २३ (हाकाहाकी)–रुसमा पछिल्लो दुई सातायता तीन जना चिकित्सकले अस्पतालको झ्यालबाट हाम फालेको अमेरिकी समाचार संस्था सीएनएनले जनाएको छ।
सीएनएन का अनुसार हाम फलानेकामध्ये दुई जनाको मृत्यु भएको छ भने एक जनाको अस्पतालमा उपचार भइरहेको छ ।
कोरोना भाइरस महामारीबीच रुसमा चिकित्सकले झ्यालबाट हाम फालेको घटना रहस्यमय रहेको सीएनएनले उल्लेख गरेको छ। घटनाबारे रुसी सन्चार माध्यम र सामाजिक सन्जालमा समेत चर्चा भएको जनाइएको छ । सीएनएनका अनुसार रुसी प्रहरीले यसबारे अध्ययन गरिरहेको छ।
मस्कोबाट ३ सय २० माइल दक्षिणमा रहेको भोरोनेजमा कार्यरत एम्बुलेन्स ड्राइभर अलेक्जान्डर सुलेपोभ गत शनिबार अस्पतालको दोस्रो तलाको झ्यालबाट हाम फाल्नुभएको थियो । उहाँको स्वास्थ्य स्थिती गम्भिर रहेको जनाइएको छ ।कोरोना भाइरसको संक्रमण पुष्टी भएपछि उहाँ उपचाररत हुनुहुन्छ ।उहाँलाई अप्रिल २२ तारिखमा अस्पताल भर्ना गरिएको हो ।
सुलेपोभसहित दुई जना चिकित्सकले सामाजिक सन्जालमा एउटा भिडियो पोष्ट गर्दै अस्पताल प्रशासनले कोरोना भाइरस संक्रमणका बाबजुत आफुहरुलाई काम लगाइरहेको दावी गरेका थिए।
मे १ तारिखमा क्रासनोयार्स्कस्थित एक अस्पतालका कार्यबाहक प्रमुखले झ्यालबाट हाम फालेपछि उहाँको मृत्यु भएको थियो।
