काठमाडौ, बैशाख २१ (हाकाहाकी) –कोरोना भाइरसको कारण इटालीमा हुने भनिएको युरोपियन रोड साइक्लिङ च्याम्पियनसिप एक वर्षका लागि पछि सरेको छ।
आउँने सेप्टेम्बरको ९ देखि १३ सम्म इटालीको ट्रेनटिनो प्रदेशमा हुने तय भएको च्याम्पियनसिप २०२१ का लागि सारिएको हो।
कोरोनालाई मध्यनजर गर्दै सबै पक्षसँगको छलफलपछि च्याम्पियसिप स्थगित गरेको युरोपियन साईक्लिङ युनियन युइसीले जनाएको छ।
स्थगित च्याम्पियनसिप सेप्टेम्बर १ देखि ५ वा ८ देखि १२ मा गरिने युनियनले जनाएको छ।
अबको केही महिनामा सन् २०२१ को क्यालेन्डर सार्वजनिक गर्ने युइसीले जनाएको छ ।
