काठमाडौं, बैशाख १३ (हाकाहाकी)– बाँके जिल्लाको नेपाल भारत सीमा क्षेत्रको क्वारेन्टिइनमा कर्तव्यमा खटिनुभएका एक प्रहरी जवानको मोटरसाइकल दुर्घटनामा आज बिहान मृत्यु भएको छ ।
क्वारेन्टाइनको ड्युटी सकेर उहाँ मोटरसाइकलमा निवास फर्कने क्रममा दुर्घटना भएको हो ।
ड्युटी सकेर मोटरसाइकलमा निवास फर्कनेक्रममा प्रहरी जवान सुवास सार्कीको राँझाचोक नजीकै सडकको डिभाइडरमा ठोक्किएर मृत्यु भएको जिल्ला प्रहरी कार्यालय बाँकेले जनाएको छ ।
प्रहरी कार्यालय मुद्दा शाखा इञ्चार्ज प्रहरी निरीक्षक हृदयेन्द्र सापकोटाले आज बिहान करीब ३ बजे दुर्घटना भएको जानकारी दिनुभयो ।
