काठमाडौ, बैशाख १२ (हाकाहाकी)– मलेसियामा कोरोना संक्रमित दुई जना नेपाली निको भएका छन् ।
मलेसियाका लागि नेपाली राजदूत उदयराज पाण्डेले मलेसियामा अहिलेसम्म तीन जना नेपाली श्रमिकमा कोरोना सङ्क्रमण देखिएको र उनीहरु मध्ये दुई जना निको भएर काममा फर्किएको जानकारी दिनुभयो ।
एक जना सङ्क्रमितको भने अस्पतालमा उपचार भइरहेको र स्वास्थ्य अवस्था सामान्य नै रहेको राजदूत पाण्डेले बताउनुभयो ।
मलेसियामा अहिलेसम्म ५ हजार ६०३ जनामा कोरोना सङ्क्रमण देखिएको छ ।
जसमध्ये ३५ सय ४२ जना निको भएका छन् भने १९ सय ६६ जनाको अस्पतालमा उपचार भइरहेको छ ।
कोरोनाका कारण मलेसियामा ९५ जनाको ज्यान गएको छ ।
