काठमाडौ, बैशाख ७ (हाकाहाकी)– गन्तब्यतर्फ हिडेका पैदलयात्रीलाई बस चढाएर घर पठाउन थालिएको छ ।
प्रहरीले धादिङ र चितवनका सडकमा अलपत्र यात्रुलाई ट्रकमा हालेर गन्तब्यतर्फ पठाइएको छ ।
यसैगरी हिजै बेलुका काठमाडौंको थानकोटमा अलपत्र पैदलयात्रीलाई बस चढाएर उनीहरुका गाउँतर्फ पठाइएको छ ।
थानकोटस्थित त्रिभुवन पार्कमा राखिएका पैदल यात्रुलाई बस चढाएर घरतर्फ पठाइएको महानरीय प्रहरी बृत्त थानकोटका डिएसपी घनश्याम श्रेष्ठले जानकारी दिनुभएको छ ।
तीनसय भन्दा बढी यात्रुलाई बस चढाएर उनीहरुको गृहजिल्ला पठाइएको डिएसपी श्रेष्ठले जानकारी दिनुभयो ।उहाँका अनुसार जाजरकोट, बैतडी, बाँके, बर्दिया, सल्यान, रुपन्देही, चितवन, पाल्पाका यात्रुलाई घर पठाइएको हो ।
