बैशाख ४ (हाकाहाकी)– कोभिड १९ बाट संक्रमित हुनेको संख्या विश्वभर २१ लाख पुग्न लागेको छ ।
नेपाली समय अनुसार आज साँझ ६ बजेसम्मको तथ्यांकअनुसार विश्वभर २० लाख ९९ हजार ६४८ जना कोरोना संक्रमित भइसकेकाछन् ।
यो भाइरसका कारण अहिलेसम्म १ लाख ३६ हजार भन्दा बढीको मृत्यु भएको छ ।
दैनिक कोरोना संक्रमित र मृतकको संख्या बढ्दै जाँदा हालसम्म उपचारपछि ५ लाख २३ हजार भन्दा बढी स्वस्थ पनि ठीक भएका छन् ।
कोरोनाबाट सबैभन्दा बढी प्रभावित राष्ट्र अमेरिका हो । त्यहाँ ६ लाख ४४ हजार भन्दा बढी संक्रमित छन् भने २८ हजार ५०० भन्दा बढी को मृत्यु भइसकेको छ ।
स्पेनमा १ लाख ८२ हजार बढी कोरोना संक्रमित छन् भने इटलीमा १ लाख ६५ हजार भन्दा बढी नै संक्रमित छन् ।
