बैशाख १ (हाकाहाकी)– नेपालमा कोभिड –१९ को सक्रमण थप दुई जनामा देखिएको छ । योसँगै कोरोना सक्रमितको संख्या १४ पुगेको छ ।
स्वास्थ्य तथा जनसंख्या मन्त्रालयका प्रवक्ता डा. विकास देवकोटाले कैलालीको लम्की र रौतहटमा एकएक जनामा कोरोना भाइरसको सक्रमण देखिएको सोमबार मन्त्रालयमा आयोजित पत्रकार सम्मेलनमा जानकारी दिनुभयो । उनीहरु दुवै भारतबाट आएको जनाइएको छ ।
उहाँले केन्द्रीय जनस्वास्थ्य प्रयोगशालामा परीक्षणका क्रममा उनीहरुलाई सक्रमण देखिएको जानकारी दिनुभयो । संक्रमितमध्ये रौतहटका १९ वर्षीय पुरुष तथा लम्कीकी ६५ वर्षीया महिला हु्नुहुन्छ । ती महिला भने लम्की बहुमुखी क्याम्पसको क्वारेन्टाइनमा बस्नुभएको छ ।
अहिलेसम्म कैलालीमा छ, बागलुङ र काठमाडौँमा दुई÷दुई तथा रौतहटमा एक र पर्सामा तीन कोरोना सक्रमित फेला परेका छन् ।
