चैत २९ (हाकाहाकी)– लकडाउनका कारण नेपालमा रोकिएका २५० जना क्यानेडियन नागरिक शनिबार स्वदेश फर्किएका छन् ।
उनीहरुलाई लिन कतार एयरको विमान आज बिहान काठमाडौं आइपुगेको थियो ।
दिल्लीमा रहेको क्यानडेयिन राजदुतावासको पहलमा आएको चार्टर्ड विमान दिउँसो साढे २ बजे फर्किएको नेपाल नागरिक उड्डयन प्राधिकरणका प्रवक्ता राजकुमार क्षेत्रीले जानकारी दिनुभयो ।
त्यो विमानमा ४३ जना अस्ट्रेलियन नागरिक पनि गएको उहाँले बताउनुभएको छ ।
त्यस्तै केही अमेरिकी नागरिक पनि त्यही विमानमार्फत गएको बताइएको छ ।
कोरोना भाइरसको बेला नेपालमा रहेका आफ्ना नागरिकहरुलाई स्वदेश फर्काउने क्रम विभिन्न देशहरुले जारी राखेका छन् ।
