चैत २८ (हाकाहाकी)– त्रिभुवन विश्वविद्यालयले परीक्षाका लागि सार्वजनिक गरेका सबै तालिकाहरु स्थगित गरेको छ ।
बैशाख र जेठ महिनामा हुने गरी प्रकाशित भएका परीक्षा तालिकाहरु अर्काे सूचना प्रकाशित नभएसम्मका लागि स्थगित गरिएको परीक्षा नियन्त्रक पुष्पराज जोशीले जानकारी दिनुभयो ।
बिहीबारको त्रिभुवन विश्वविद्यालय केन्द्रीय परीक्षा सञ्चालक समितिको बैठकले कोरोना भाइरसको महामारीलाई मध्यनजर राख्दै यो दुई महिनासम्म सञ्चालन हुनेगरी तोकिएका सबै परीक्षाहरु अर्काे सूचना प्रकाशित नभएसम्मका लागि स्थगित गरिएको विश्वविद्यालयले आज सूचना जारी गरेको हो ।
निर्णय अनुसार परीक्षा नियन्त्रण कार्यालय, बल्खुद्वारा वार्षिक परीक्षा प्रणाली अनुरुप २०७७ साल बैशाख र जेष्ठमा संचालन गरिने विज्ञान तथा प्रविधि अध्ययन संस्थान, व्यवस्थापन संकाय र शिक्षाशास्त्र संकाय तर्फका ४ वर्षे वी.एस्सी, बी.बी.एस. र बी.एड. चौथो वर्षका नियमित तथा आंशिक परीक्षाहरु स्थगित गरिएका हुन् ।
त्यस्तै, पोष्ट ग्राजुएट डिप्लोमा इनकाउन्सेलिङ साइकोलोजी, स्कुल साइकोलोजी, र पोष्ट ग्राजुएट इन उोमेन स्टडीजका नियमित तथा आंशिक परीक्षा अर्को सुचना प्रकाशित नभएसम्मका लागि स्थगित गरिएको उल्लेख छ ।
