काठमाडौँ– नेपाल भ्रमणमा रहेका अमेरिकी सहयोग नियोग ९युएसएआइडी०का एशिया ब्यूरो, सहायक प्रशासक ग्लोरिया डी स्टीले आज गृहमन्त्री रामबहादुर थापासँग शिष्टाचार भेटवार्ता गरेका छन् । गृह मन्त्रालयमा भएको उक्त भेटमा नेपालको विभिन्न क्षेत्रमा युएसआइडीले गर्दै आएको सहयोग, आगामी दिनमा आवश्यक सहयोग र सहकार्यका क्षेत्रमा केन्द्रित रहेर छलफल भएको थियो ।
भेटमा गृहमन्त्री थापाले नेपालको विकास, विपद् व्यवस्थापन तथा भूकम्पपछिको पुनःनिर्माणलगायत क्षेत्रमा अमेरिकाले गर्दै आएको सहयोगप्रति धन्यवाद व्यक्त गर्दै आगामी दिनमा थप सहयोगका लागि स्टीसँग आग्रह गरे । गृह मन्त्रालयले राष्ट्रिय विपद् जोखिम न्यूनीकरण तथा व्यवस्थापन प्राधिकरण गठनको प्रक्रिया शुरु गरी प्राधिकरणको प्रमुख कार्यकारी अधिकृतका लागि दरखास्त आह्वान गरीसकेको मन्त्री थापाले जानकारी दिए ।
भेटवार्तामा सहायक प्रशासक स्टीले नेपाल–अमेरिका सम्बन्धको चर्चा गर्दै नेपाललाई युएसआइडीले सहयोगको प्राथमिकतामा राखेको जानकारी दिए । उनले नेपाललाई दिइँदै आएको सहयोग निरन्तर रहने र नेपालको अपेक्षाअनुसार थप सहयोग विस्तार गर्न आफूहरु तयार रहेको बताए । सहायक प्रशासक स्टीले विपद् व्यवस्थापन प्राधिकरण गठन अन्तिम चरणमा पुगेको जानकारी पाउँदा आफूलाई खुशी लागेको बताए । प्राधिकरणलाई आवश्यक सहयोग गर्न आफूहरु तयार रहेको उनको भनाइ थियो । भेटवार्तामा नेपालका लागि अमेरिकाका राजदूत ¥याण्डी बेरी पनि सहभागी थिए । रासस
