काठमाडौँ– न्यूयोर्कमा सोमबार साँझबाट शुरु भएको जलवायु परिवर्तन सम्वन्धी राष्ट्रसंघिय सम्मेलनमा विश्वका उच्च नेताहरु उपस्थित थिए । जलवायु परिवर्तनको असर कम गर्न विभिन्न कदमहरु चाल्ने प्रतिवद्धता समेत उनीहरुले गरेका छन् ।
तर यतिखेर विश्वका सञ्चार माध्यममा ति नेताको भाषणको त्यति चर्चा छैन्, जति १६ वर्षिया बालिका ग्रेटा थनवर्गको छ । उनले सो सम्मेलनमा गरेको भावुक भाषण यतिवेला संसारभरी नै निकै चर्चामा रहेको छ । गत एक वर्षदेखि जलवायु परिवर्तनको असर कम गर्नका लागि तत्काल केही कदम लिन विश्वकै ध्यानाकर्षण गराउँदै आएकी ग्रेटाले सोमबार साँझ सम्मेलनलाई सम्बोधन गर्दै विश्वका नेतालाई वातावरण जोगाउन तत्काल कदम चाल्न आग्रह गरिन् ।
जलवायु परिवर्तनको लागि प्रत्येक शुक्रबार विद्यालय बहिष्कार सडकमा आवाज उठाउने उनको अभियानले गत शनिबार विश्वव्यापी भएको थियो । शनिबार विश्वभरका लाखौ बालबालिकहरुले सडकमा प्रर्दशन गरे । त्यसको दुई दिनपछि सम्मेलनलाई सम्वोधन गदै उनले भनिन,‘मानिसहरु समस्यामा छन्, जलवायु परिवर्तनको असरका कारण मान्छेको मृत्यु हुँदैछ र समग्र पर्यावरण प्रणाली नै खत्तम हुँदैछ, समग्र जगतको अस्तीत्व लोपको शुरुवात हामी गदैछौ ।’ उनले यसो भनिरहँदा विश्वका नेताहरु निकै भावुक हुँदै उनको भाषण सुनेका थिए ।
उनले जलवायु परिवर्तनको असर कम गर्न नेताहरुले तत्काल कदम नचाल्दा आउने पुस्ता नै असफलता तर्फ जाने भन्दै ध्यानाकर्षण गराइन् । उनले आफु विद्यालय छोडेर सडक र राष्ट्रसंघको वैठकमा आउनुपर्ने अवस्थाको सिर्जना हुनु नै गलत भएको भन्दै भनिन,‘यो सबै गलत हो, म यहाँ हुनुपर्ने नै होइन्, म त यतिवेला स्कुलमा हुनुपर्ने हो ।’ उनले अगाडी भनिन्, ‘तपाईहरुले मेरो सपना र मेरो वाल्यकाल निकै मिठो शब्दले लुटनु भएको छ ।’ उनले सन् २०३० भित्र उत्सर्जनलाई आधामा झार्ने योजना पर्याप्त नभएको समेत जिकिर गरिन् ।
उनले तत्काल कुनै कदम नचालिएमा भावी पुस्ताले निकै गम्भीर परिणाम भोग्नुपर्ने जिकिर गरिन् । ग्रेटा र उनको समूहले सोमबार नै संयुक्त राष्ट्रसंघमा पाँच मुलुकविरुद्ध मुद्धा समेत दायर गरेका छन् । उनीहरुले फ्रान्स, व्राजिल, जर्मनी, अजे«न्टिना र टर्कीले कार्बन उत्सर्जन गर्नका लागि पर्यात्त कदम नचालको भन्दै मुद्धा दायर गरेका हुन् । उनीहरुले राष्ट्रसंघको बालवालिक समितीमा मुद्धा दायर गरेका हुन् ।
सम्मेलनलाई भारतिय प्रधानमन्त्री नरेन्द्र मोदीले सम्बोधन गदै जलवायु परिवर्तनको असर कम गर्न विश्वले पर्याप्त काम नगरेको बताएका छन् । उनले वैकल्पिक उर्जाको उत्पादनलाई भारतले बढाउने वताएका छन् । विश्वक नेताहरु यतिवेला जलवायु परिवर्तनको बारेमा छलफल गरिरहेका छन्, तर अमेरिकी राष्ट्रपति डोनाल्ड ट्रम्प भने सो सम्मेलनमा गएका छैनन् ।
