पाल्पा– प्रदेश सांसद कार्यक्रम अन्तर्गत सञ्चालित ‘स्मार्ट कृषि गाउँ कार्यक्रम’ पाल्पामा प्रभावकारी बन्दै गएको छ।
तिनाऊ गाउँपालिका–२ को झ्याङ्लाफाँट, रम्भा गाउँपालिका–१ को हुँगी, रामपुर नगरपालिका–१० को हेक्लाङ्गफाँट र तानसेन नगरपालिका–१४ को अर्गली क्षेत्रमा स्मार्ट कृषि गाउँ कार्यक्रम सञ्चालनमा ल्याइएको हो ।
जिल्लाका चार स्थानमा ठूलो योजनाका रुपमा पहिलो पटक कृषकमाझ कार्यक्रम सञ्चालनमा आएपछि पाल्पा कृषकहरू उत्साहित बनेका छन् ।
चार वटै स्थानमा सञ्चालनमा आएको कार्यक्रम प्रभावकारी रुपमा अगाडि बढेको कृषि ज्ञान केन्द्र पाल्पाले जनाएको छ।
प्रारम्भमा रामपुरको हेक्लाङ्ग क्षेत्रमा करीब ४९४ रोपनीमा यो कार्यक्रममा शुरु गरिएको र यस कार्यक्रमबाट ८३ घरधुरी प्रत्यक्ष लाभान्वित भएका छन् ।
