पोखरा– चौथो राष्ट्रिय सामुदायिक वन दिवसको उपलक्ष्यमा आज शनिबार पोखरा महानगरपालिका–२७ स्थित पन्थकोडाँडा सामुदायिक वनमा वृहत् वृक्षरोपण गरिएको छ।
“सामुदायिक वनमा नवीनतम सोच–उत्पादन, उद्यम र समृद्धिमा जोड” भन्ने नारासहित सामुदायिक वन उपभोक्ता महासङ्घ कास्की एवं डिभिजन वन कार्यालय कास्कीद्वारा संयुक्तरुपमा आयोजित सो कार्यक्रममा चाँप, लप्सी, तेजपात, रुद्राक्ष, निमारोलगायतका ३५० बिरुवा रोपिएको थियो ।
गण्डकी प्रदेश अर्थ तथा विकास समितिका सभापति दीपक कोइरालाले चाँपको बिरुवा रोपेर सो कार्यक्रमको शुभारम्भ गर्दै वनलाई समृद्धिसँग जोड्नुपर्ने आवश्यकता बताए। सामुदायिक वनका उपभोक्ताले वनको संरक्षण र सम्बद्र्धनमा महत्वपूर्ण योगदान पु¥याउँदै आएको र अब उत्पादनसँग जोड्नु पर्नेमा उनले जोड दिए ।
डिभिजन वन कार्यालय कास्कीका प्रमुख रामकाजी श्रेष्ठले मुलुकमा सामुदायिक वनको विकल्प नभएको बताउँदै वन समूहमा सुशासन र पारदर्शीता आवश्यकता रहेको उल्लेख गरे।
