काठमाडौँ– मनसुन न्यून चापिय रेखा नेपालको दक्षिणतर्फ रहेकाले मनसुनी गतिविधि देशभर कम सक्रिय अवस्थामा रहेको मौसम पूर्वानुमान महाशाखाले जनाएको छ।
महाशाखाका अनुसार हाल देशको पूर्वी र मध्य क्षेत्रमा सामान्य देखि पूर्ण वदली रही पश्चिम क्षेत्रमा आंशिक देखि सामान्य वदली रहेको छ। साथै पूर्वी र मध्य क्षेत्रका थोरै र पश्चिम क्षेत्रका एक दुई स्थानहरुमा मेघ गर्जन सहित वर्षा भइरहेको छ।
शुक्रबार दिउँसोदेशभर आंशिकदेखि सामान्य वदली रहि केही स्थानहरूमा वर्षा हुने सम्भावना छ। देशका मध्य र पूर्वी तराई क्षेत्रका एक दुई स्थानमा भारी वर्षाको सम्भावना छ। राती देशभर सामान्य वदली रही देशका केही स्थानहरूमा वर्षा हुने सम्भावना छ। देशका मध्य र पुर्वी क्षेत्रका एक दुई स्थानमा भारी वर्षाको सम्भावना छ।
शनिबार दिउँसो देशभर आंशिक देखि सामान्य वदली रहि केही स्थानहरुमा वर्षा हुने सम्भावना छ। देशको पूर्वी र मध्य क्षेत्रका एक दुईस्थानमा भारी वर्षा हुने सम्भावना छ। राती देशभर सामान्य वदली रही देशका केहि स्थानहरूमा वर्षा हुने सम्भावना छ। देशको पूर्वी र मध्य क्षेत्रका एक दुईस्थानमा भारी वर्षा हुने सम्भावना रहेको महाशाखाले जनाएको छ।
आइतवार दिउँसो देशभर आंशिक देखि सामान्य वदली रहि केही स्थानहरूमा वर्षा हुने सम्भावना छ। देशको पूर्वी र मध्य क्षेत्रका एक दुईस्थानमा भारी वर्षा हुने सम्भावना छ। राती देशभर सामान्य वदली रही देशका केही स्थानहरूमा वर्षा हुने सम्भावना छ। देशको पूर्वी र मध्य क्षेत्रका एक दुईस्थानमा भारी वर्षा हुने सम्भावना रहेको महाशाखाले जनाएको छ।
आगामी २४ घण्टाका देशका मध्य र पूर्वी क्षेत्रका एक दुई स्थानमा भारी वर्षाको सम्भावना रहेकाले ती क्षेत्रका पहाडी भूभागमा पहिरो जान सक्ने र पहाड तथा चुरे वाट बहने खोलाहरूमा जल सहत बढ्न सक्ने भएकोले सामान्य सतर्कता अपनाउन महाशाखाले आग्रह गरेको छ।
