काठमाडौँ– सोमबार रातिको शक्तिशाली भूकम्पका कारण दक्षिण पश्चिम चीनमा १२ जनाको मृत्यु भएको भने १ सय ३४ जना घाइते भएका छन्।
भूकम्प सिचुवान प्रदेशको यिबिन शहरको २० किलोमिटर आसपास केन्द्रविन्दू बनाएर गएको उल्लेख गरिएको छ।
सिन्ह्वा समाचार संस्थाका अनुसार ६ रेक्टर स्केलको भूकम्प स्थानीय समय अनुसार सोमबार राति १०ः५५ मा गएको थियो।
भूकम्पका कारण करिब ४ हजार मानिस प्रभावित भएका जनाइएको छ। भूकम्पको झट्काले दर्जनौं संरचनाहरुमा क्षति पुगेको छ भने उक्त क्षेत्रमा मंगलबार बिहानबाट वर्षा भइरहेको जनाइएको छ।
आपातकालीन व्यवस्थापन मन्त्रालयले उद्धार टोली घटना स्थलमा पठाएको छ। भूकम्पको क्षेतिको पूर्ण विवरण भने आउँन बाँकी रहेको छ।
