काठमाडौँ– जल तथा मौसम पूर्वानुमान महाशाखाले आगामी तीन दिनको मौसमको प्रक्षेपण गरेको छ। आइतबार मौसमसम्बन्धी बुलेटिन जारी गर्दै महाशाखाले देशभर आंशिक देखि सामान्य बदली रहने जनाएको छ ।
पहाडी भू–भागहरूमा र पूर्वी तराईमा मेघ गर्जन सहित वर्षाको सम्भावना रहेको महाशाखाको अनुमान छ ।
सोमबार देशभर आंशिक देखि सामान्य बदली रही देशको पश्चिमी भू–भागका केही स्थानहरूमा र मध्य तथा पूर्वी भू–भागका थोरै स्थानहरूमा मेघ गर्जन सहित वर्षाको सम्भावना छ।
त्यसैगरी मंगलबार देशैभरि आंशिक देखि सामान्य बदली रही पश्चिमी पहाडी भू–भागका थोरै स्थानहरूमा र मध्य तथा पूर्वी भू–भागका केही स्थानहरूमा मेघ गर्जन सहित वर्षाको सम्भावना रहेको महाशाखाले जनाएको छ ।
