काठमाडौँ– जल तथा मौसम पूर्वानुमान महाशाखाले आगामी तीन दिनको मौसमको प्रक्षेपण गरेको छ। शुक्रबार मौसमसम्बन्धी बुलेटिन जारी गर्दै महाशाखाले देशभर केही स्थानहरूमा आंशिक बदली रहने र बाँकी भूभागमा मौसम सामान्यतया सफा रहने जनाएको छ ।
देशका पूर्वी र मध्य भू–भागका केही स्थानहरुका साथै पश्चिमी पहाडी भेगका थोरै स्थानहरुमा मेघगर्जन, हावाहुरीसहित वर्षाको सम्भावना रहेको महाशाखाको अनुमान छ ।
शनिबार देशैभरी आंशिकदेखि सामान्य बदली रही पूर्वी तथा मध्य भू–भाग र पश्चिमि पहाडी भेगका थोरै स्थानहरुमा मेघ गर्जन सहित वर्षाको सम्भावना छ।
त्यसैगरी आइतबार देशैभरी आंशिकदेखि सामान्य बदली रही पूर्वी तथा मध्य भू–भागका केही र पश्चिमि पहाडी भेगका थोरै स्थानहरुमा मेघ गर्जन सहित वर्षाको सम्भावना रहेको महाशाखाले जनाएको छ ।
