काठमाडौँ– काठमाडौँ महानगरपालिकाले अत्याधुनिक प्रविधिको तीनवटा दमकल खरिद गर्ने भएको छ।
गत २४ चैतमा बसेको महानगरको नगर सभाको बैठकले आधुनिक दमकल खरिद गर्ने निर्णय गरेसँगै दमकल किन्ने प्रक्रिया अघि बढाइएको हो ।
महानगरसँग हाल अनुदानबाट प्रप्त चारवटा दमकल रहेको र थप तीनवटा खरिद प्रकृयामा रहेको महानगरका प्रवक्ता इश्वरमान डंगोलले बताए ।
‘अहिले महानगरले आगलागीका घटना नियन्त्रणका लागि चारवटा दमकल प्रयोग गर्दै आएको छ,’ उनले भने, ‘ ती सबै नेपाल सरकार तथा अन्य दातृ निकायबाट उपहार स्वरूप प्राप्त भएका हुन्।’
महानगरले आफ्नै लगानिमा उक्त दमकलहरू खरिद गर्न लागेकोे डंगोल बताउँछन् ।
उनका अनुसार नयाँ दमकल खरिदका लागि प्राविधिक अध्ययनको काम भइरहेको छ भने प्रकृया पनि अघि बढाइएको छ ।
काठमाडौँमा निर्माण भएरहेको अग्ला अग्ला संरचनाहरुलाई मध्यनजर गर्दै अत्याधुनिक प्रविधिको तीन दमकल खरिद गर्न लागिएको उनको भनाई छ ।
महानगरले दमकल खरिदको लागि बजेट, मिति र मोडल भने तय गरि नसकेको उनले जनाए ।
