पर्यटन प्रवद्र्धन तथा स्वच्छ वातावरण कायम राख्ने उदेश्यका साथ आगामी वैशाख १२ गते तेस्रो अन्र्तराष्ट्रिय म्याराथन प्रतियोगिता आयोजना हुने भएको छ । ट्रेकिङ एजेन्सीज एसोसिएसन अफ नेपाल (टान) को आयोजनामा लाङटाङ अन्र्तराष्ट्रिय म्यराथान हुने लागेको हो ।
तीन हजार आठ सय ७० मिटरको केन्जिङगोन्पादेखि स्याफ्रुबेशीसम्मको ४२ किलोमिटर दूरीको लाङटाङ म्याराथान हुने टानले एक विज्ञप्ति मार्फत जनाएको छ । टानले २०७२ साल वैशाख १२ गतेको विनासकारी भूकम्पले लाङटाङमा पुर्याएको क्षतिले विश्वभर पर्यटन क्षेत्रमा नकरात्मक सन्देश गएकाले सकारात्मक प्रचारका लागि म्याराथन आयोजनाको शुरुवात गरेको हो । यस अगाडी दुई वर्ष प्रतियोगिता भईसकेका छन् ।
