धनगढी– टिकापुर नगरपालिका क्षेत्रमा पसेको चितुवाको आक्रमणबाट बिहीबार प्रहरीसहित पाँच जना घाइते भएका छन्।
बिहीबार बिहान ८ बजे बस्तीमा पसेरको चितुवाको आक्रमणबाट एक जना ट्राफिक प्रहरी र चार जना स्थानीय घाइते भएको डिभिजन वन कार्यालय पहलमानपुरका सहायक वन अधिकृत भरतप्रसाद श्रेष्ठले जानकारी दिए।
टिकापुर नगरपालिका क्षेत्रमा पसेको चितुवालाई बर्दिया राष्ट्रिय निकुञ्जको टोलीले बिहीबार ७ः४० मा नियन्त्रणमा लिएको छ।
चितुवा नियन्त्रणका लागि निकुञ्जले प्राविधिक टोलीसहित नेपाल प्रहरी,सशस्त्र प्रहरी र वन कर्मचारी खटिएका थिए।
टिकापुर पार्क नजिक झाडीमा लुकेर बसेको चितुवालाई नियन्त्रणमा लिइ निकुञ्जको टोलीले बर्दिया राष्ट्रिय निकुञ्ज लगेको उनले बताए।
