काठमाडौं–नेपालमा यस वर्षको प्रि–मनसुनको गतिविधि शुरु भएको छ। मौसम पूर्वानुमान महाशाखाका अनुसार नयाँ प्रणालीको विकास नभइसके पनि प्रि–मनसुनको गतिविधि भने शुरु भइसकेको छ। प्रि–मनसुन अर्थात् अर्थात् मनसुन पूर्वाद्धको समय हो ।
मार्च, अप्रिल र मेसम्म तीन महिना प्रि–मनसुन चल्ने गर्छ। यो समयमा हावाहुरी चल्ने, चट्याङ पर्ने समस्या पनि देखा पर्ने गर्छ। मौसम पूर्वानुमान महाशाखाका मौसमविद् सुवास रिमालका अनुसार हावाहुरी र चट्याङको समस्या प्रि–मनसुनको मध्यतिरबाट बढी हुने गर्छ। यो समयमा देशका पहाडी भेगको मौसम प्रभावित बनिरहने उनको भनाइ छ। प्रि–मनसुनको प्रवृत्ति दिनमा घाम लाग्ने र अपराहृन तथा साँझ फाट्टफुट्ट वर्षा हुने उनको भनाइ छ ।
जुन दोस्रो सातादेखि सेप्टेम्बर चौथो साता नेपालका लागि सक्रिय मनसुन अवधि हो भने नोभेम्बर महिना मनसुन उत्तराद्र्ध अर्थात् ‘पोस्ट मनसुन’ अवधि हो।
डिसेम्बर, जनवरी र फेब्रुअरीलाई हिउँदयाम मानिन्छ भने यो अवधिमा हुने वर्षालाई मौसमविद्हरु हिउँदे वर्षाका रुपमा बुझ्ने गर्छन्।
