काठमाडौं–डेनमार्कका प्रधानमन्त्री लार्स लोके रसमुसेनले फ्रान्सेली राष्ट्रपति इमानुल माक्रोंलाई साइकलमा भ्रमण गराएका छन्।
डेनमार्कका प्रधानमन्त्रीले फ्रान्सेली राष्ट्रपति र उनको टोलीलाई बुधबार राजधानी कोपनहेगनमा करीब एक घण्टा साइकलमा भ्रमण गराएको अन्तर्राष्ट्रिय सञ्चारमाध्यमले जनाएका छन्।
रसमुसेन र माक्रोंले साइकल चलाउँदै गरेको भिडियो पनि सार्वजनिक भएको छ। भिडियो हेर्दा उनीहरू गफिरहेको देखिन्छ, भने ट्राफिक सिग्नलको ठाउँमा उनीहरू अडिएका देखिन्छन्।