काठमाडौँ – रौतहटको गौर नगरपालिका ४ स्थित लालबकैयामा नदीमा शनिबार डुंगा दुर्घटना भएको छ । दुर्घटनामा बेपत्ता भएका मध्ये २१ जनाको उद्धार गरिएको छ भने दुईको सव फेला परेको छ।
मृत्यु हुनेमा इसनाथा नगरपालिका औरैयाकी ३५ वर्षीया रुना देबी र गौर नगरपालिका ३ की ५० वर्षीया शान्तिदेबी रहेकी छिन् ।
डुंगामा सवार मध्ये १५ जनाले पौडिएर ज्यान जोगाएका थिए भने अझै पनि तीन जना बेपत्ता भएको जिल्ला प्रशासन कार्यालयले जनाएको छ ।
गौर नगरपाकिा ४ स्थित लालबकैयामा शनिबार साढे सात बजे डुंगा डुबेको थियो। डुंगामा नदीभन्दा पश्चिमतिर रहेको खेतबाट घाँस काटेर फर्केर आएका यात्रुहरू सवार थिए। नदीमा पानीको बहाब अत्याधिक भएपछि छालका कारण डुंगा डुबेको प्रहरीले बताएको छ ।
