काठमाडौं–नेपाल प्रहरीको केन्द्रीय अनुसन्धान ब्यूरो (सीआईबी) ले कस्तुरीको बिनासहित दुई जनालाई पक्राउ गरेको छ।
सीआईबीले कस्तुरीको एक थान बिनासहित काठमाडौं तार्केश्वकर १ का विजय लामा र नुवाकोट शिवपुरी गाउँपालिका ६ का सन्तोषकुमार तामाङलाई पक्राउ गरेको हो।
सीआईबीका प्रवक्ता (एसपी) सानुराम भट्टाराइका अनुसार सामाखुशी चोक टोखा रोडबाट पक्राउ परेका लामा र तामाङलाई कारबाहीका लागि डिभिजन वन कार्यालय काठमाडाैंमा बुझाइएको छ। ती दुई जना यसअघि पनि वन्यजन्तुको आखेटोपहारसहित पक्राउ परेका थिए।
लामा १६ कात्तिक २०७४ मा रेडपाण्डाको छालासहित काठमाडाैं नागार्जुन २ पहेंलो गुम्बाबाट पक्राउ परेका थिए, भने तामाङ १९ भदौ २०७४ मा रेडपाण्डाको छालासहित काठमाडांकोै तार्केश्वर १० मनमैजुबाट पक्राउ परेका थिए।
तर, जिल्ला अदालत काठमाडौंले लामा र तामाङलाई क्रमशः १० लाख र पाँच लाख धरौटीमा रिहा गरेको थियो।
