काठमाडौं– कीर्तिपुरस्थित वायु गुणस्तर मापन केन्द्रको मेसिनका ब्याट्री चोरी भएको १० महिनासम्म पनि पत्ता नलागेपछि विकल्प अपनाइने भएको छ।
गत वर्षको दसैंमा त्रिभुवन विश्व विद्यालय कीर्तिपुरको भौतिकशास्त्र विभाग नजिकै रहेको केन्द्रबाट ४ वटा ब्याट्री चोरी भएका थिए। तर, चोरी भएको १० महिना वितिसक्दा पनि फेला नपरेपछि वातावरण विभागले नयाँ ब्याट्री र युपिएससहित मेसिन सञ्चालनमा ल्याउने तयारी गरेको हो।
विभागका महानिर्देशक दुर्गा दुवाडी चाँडै नै नयाँ ब्याट्री जडान गरिने बताउँछन्। सरकारी अधिकारीका अनुसार चोरी भएकाप्रति ब्याट्रीको मूल्य १५ देखि २० हजार पर्छ । अब सो मेसिनमा ब्याट्री जडान गरिसकेपछि बीमा पनि गर्ने
तयारी रहेको उनले बताए ।