काठमाडौं– कैलाश मानसरोबर यात्रामा रहेका आफ्ना पन्ध्र सयभन्दा बढी तीर्थयात्री खराब मौसमका कारण बाटाेमा नै अलपत्र परेपछि उनीहरुलाई उद्धारको गर्न भारतले नेपालसँग सहयोग मागेको छ।
भारतीय विदेशमन्त्री सुष्मा स्वराजका अनुसार ५ सय २५ तीथयात्री सिमिकोटमा, ५ सय ५० हिल्सामा र अन्य ५ सय तिब्वतमा अलपत्र परेका छन्।
स्वराजले उनीहरुको उद्धारको लागि नेपाली सेनाको हेलिकप्टरको सहयोग मागिएको ट्वीटमार्फत् जानकारी गराएकी छन्। भारतले अलपत्रमा परेका यात्रु र उनीहरुको परिवारको गुनासो सुन्नका लागि हटलाइनको व्यवस्था समेत गरेको छ।
