जनतालार्इ विष खुवाउने डेरी उद्योगहरू (सूचीसहित)

काठमाडौं । कृषि,भूमी व्यवस्था तथा सहकारी मन्त्रालयले अखाद्य वस्तु मिसावट गरेर दूध उत्पादन एवम् विक्री गर्ने उद्योगहरूको नाम सार्वजनिक गरेको छ ।

नाम सार्वजनिक गर्दौ मन्त्रालयले अनुगमनको क्रममा संकलित तथा प्रयोगशालामा परिक्षण गरेपछि २५ दूध उद्योगहरूले उत्पादन गरेका दूध मापदण्ड अनुरूप नपाइएको जनाएको छ ।

मापदण्ड पूरा नगरेका ती डेरी उद्योगहरूलाई प्रचलित खाद्य ऐन अनुसार कानूनी कारवाहीको गर्नका लागि प्रक्रिया अगाडि बढाइएको मन्त्रालयले बताएकोे छ ।

मन्त्तालयका सहसचिव तथा प्रवक्ता डा.योगेन्द्र कुमार कार्कीका अनुसार काठमाडौँ उपत्यकाभित्रका विभिन्न स्थानमा भएका दूध प्रशोधन उद्योग मध्ये २५ डेरीका ४२ ब्राण्डका दूध केन्द्रिय खाद्य प्रयोगशालामा नमूना परीक्षण गरिएको थियो ।

जसमा १७ नमूनामा चिल्लो वस्तुमा कमि,९ नमूनामा चिल्लो बाहेक ठोस वस्तुको कमी र ४० नमूनामा स्वास्थ्यलाई हानी पुर्याउने सोडाको प्रयोग भएको पाइएको छ । मन्त्राललयले जारी गरेको विज्ञप्तीमा दूधको सुक्ष्म जैविक परीक्षण गर्न भने समय लाग्ने उल्लेख छ ।

मन्त्राललयले दुध प्रशोधन उद्योगवाट उत्पादित दूधको स्वच्छता एव गुणस्तरसहित दीर्घकालिन सुधारका लागि दूध उत्पादन,संकलन,चिस्यान,ढुवानी,प्रशोधन र विक्रि वितरणमा असल उत्पादन अभ्यासका सिद्धान्तका आधारमा नयाँ कार्यविधि,मापदण्ड निर्माणको कार्य अगाडि बढाउने जनाएको छ ।

दूधको स्वच्छता र गुणस्तर सम्बन्धमा उपभोक्ताको गुनासो सम्बोधन गर्न भन्दै सहकारी मन्त्री चक्रमणि खनाल,राज्यमन्त्री रामकुमारी चौधरीले बैशाख २८ गते काठमाडौंका बालाजु क्षेत्रका दूग्ध संस्थान,आधुनिक डेरी,पुष्प डेरी,सामूहिक कृषक डेरीमा निरीक्षण तथा अनुगमन गरेका थियो ।

प्याकेटमा उत्पादन मिति प्रष्ट नदेखिएको,स्तरीय गोदाममा भण्डारण नगरिएको,शंकास्पद धुलो दूधको प्रगोगशाला परीक्षणको लागि नमूना संकलन गरी ल्याइएको र परीक्षण प्रतिवेदन नहुन्जेल काठमाडौंको बालाजु क्षेत्रका ३ गोदाममा सिलबन्दी गरेको मन्त्रालयले बताएको छ ।