काठमाडौं – घरमा लुकाई–छिपाई राखेको सालको काठ सहित प्रहरीले दुई जनालाई पक्राउ गरेको छ ।
हेटौंडा उपमहानगरपालिका–१३ ठूलोथली बस्ने ठाकुरसिंह मोक्तानको घरमा अबैध रूपमा लुकाई–छिपाई राखेको सालको चिरान काठ १ सय १२ थान र लालीमाया मोक्तानको घरमा लुकाई–छिपाई राखेको सालको चिरान काठ ६८ थान सहित दुवैजनालाई प्रहरी पक्राउ गरेको छ ।
प्रहरी र जिल्ला वन कार्यालय मकवानपुरको संयुक्त टोलीले शुक्रबार उनीहरुलाई पक्राउ गरेको हो । यस सम्बन्धमा थप अनुसन्धान भइरहेको प्रहरीले जनाएको छ ।
