काठमाडौ, असार ८ (हाकाहाकी)– हङकङमा सोमबार ३० नयाँ कोरोना भाइरस संक्रमित भेटिएका छन् ।
३० मध्ये अधिकाँश पाकिस्तानबाट फर्किएका व्यक्ति भएको एस.सी.एम.पी समाचार संस्थाले जनाएको छ । आज भेटिएका कोरोना संक्रमितको संख्या दुई महिनायताकै सबैभन्दा बढी भएको जनाइएको छ ।
यसअघि अप्रिल ३ मा ४३ संक्रमित भेटिएका थिए । त्यसयता निकै न्यून संख्यामा कोरोना संक्रमित हङकङमा भेटिएका थिए ।
यससँगै हङकङमा कोरोना संक्रमित पुष्टि भएको संख्या ११ सय ६० पुगेको छ । त्यहाँ १ हजारभन्दा बढी मानिस उपचारपछि स्वस्थ बनेका छन् । हाल हङकङमा कोरोनाविरद्ध अपनाइएका उपायहरु खुकुलो बनाइएको छ।
