काठमाडौ, असार ८ (हाकाहाकी)– पाल्पाको तानसेन रिडी सडक खण्ड अन्तर्गत तानसेन नगरपालिका– ११ स्थित सम्मोबारी भन्ने ठाउँमा पहिरोले दुई वटा गाडी बगाएको छ ।
पहिरोले एउटा ट्याङ्कर र एउटा मिनिट्रक बगाउँदा दुई जनाको शव भेटिएको पाल्पाका प्रहरी नायब उपरीक्षक मदन गिरीले बताउनुभयो । प्रहरी नायब उपरीक्षक गिरीका अनुसार एक जनाको उद्धार गरिएको छ ।
उहाँले ‘पहिरोले दुई वटा गाडीलाई सडकबाट तल झारेको तर पुरिसकेको अवस्था भने नरहेको बताउनुभयो । पहिरोले बगाएको सवारी साधनमा कति जना मानिस सवार थिए भन्ने यकिन हुन सकेको छैन ।
