काठमाडौ, जेठ २५ (हाकाहाकी)– राष्ट्रिय मानव अधिकार आयोगले व्यक्तिलाई स्वेच्छाचारी रुपमा पक्राउ नगर्न र गैरकानूनी रुपमा थुनामा नराख्न सरकारलाई आग्रह गरेको छ ।
आयोगका प्रवक्ता वेद भट्टराईले आइतबार विज्ञप्ति जारी गरी खोटाङका चक्रबहादुर खत्रीलाई लकडाउनको समयमा पनि प्रहरीले वैशाख २ देखि हालसम्म ६ पटक स्वेच्छाचारी रुपमा पक्राउ गरी खोटाङ, उदयपुर, पुनः खोटाङ र सोलुखुम्बु हुँदै सिराहा पु¥याएको र गैरकानूनी थुनामा राखेको भन्दै त्यसो नगर्न आग्रह गरेको हो ।
खत्री सर्वोच्च अदालतको जेठ २३ गतेको आदेशबमोजिम आज मानवअधिकार आयोगका सदस्य गोविन्द शर्मा पौड्यालको रोहबरमा आयोग परिसर हरिहरभवनबाट छुटेका छन् ।
वैशाख २ गते पक्राउ परेका खत्रीको अवस्थाबारे परिवारलाई जानकारी समेत नदिई स्थिति अज्ञात पारिएको, खत्रीउपर अपमानजनक व्यवहार गरिएको र सर्वोच्च अदालतबाट पटकपटक जारी भएका आदेशहरुको बेवास्ता गरिएको भन्दै आयोगले जेठ १६ गते गृह मन्त्रालयसँग चौबीस घण्टाभित्र जवाफ माग गरेको थियो ।
