काठमाडौ, जेठ २५ (हाकाहाकी)– आइतबार २ सय १३ जनामा कोरोना संक्रमणको पुष्टि भएको छ ।
स्वास्थ्य तथा जनसंख्या मन्त्रालयले आयोजना गरेको नियमित मिडिया ब्रिफिङमा मन्त्रालयका प्रवक्ता डा. विकास देवकोटाले अब नेपालमा संक्रमितको संख्या ३ हजार ४ सय ४८ पुगेको जानकारी दिनुभयो । नयाँ संक्रमितमध्ये २ सय ९ जना पुरुष र ४ जना महिला रहेका छन् । नेपालमा कोरोना भाइरस निको भएर ४ सय ६७ जना घर फर्किएका छन् भने १३ जनाको मृत्यु भएको छ ।
