काठमाडौ, २४ (हाकाहाकी)– नेपालमा यो वर्ष सलह किराको हुल नआउने निष्कर्ष सहितको प्रतिवेदन सरकारी कार्यदलले कृषि मन्त्रालयलाई बुझाएको छ ।
मरुभूमि सलहबारे अध्ययन गर्न कृषि तथा पशुपन्छी मन्त्रालयले गठन गरेको विशेष कार्यदलले नेपालमा यो वर्ष सलह किराको हुल नआउने निष्कर्षसहितको प्रतिवेदन बुझाएको हो ।
मन्त्रालय अन्तर्गतको प्लान्ट क्वारेन्टिन एवम् विषादी व्यवस्थापन केन्द्रका प्रमुख सहदेव प्रसाद हुमागाईंको संयोजकत्वमा गठित समितिले विज्ञहरुसँगको परामर्शमा नेपालमा यो वर्ष सलहको प्रकोप नपर्ने तर आउँदा वर्षका लागि सावधानी अपनाउनु पर्ने निष्कर्षसहित निकालेको हो ।
वायुको वेगसँग सापेक्ष भएर उड्ने भएकाले यो वर्ष अफ्रिकाबाट भारतसम्म आइपुगेका सलहको हूल नेपाल आउने खालको मौसमी प्रणाली हाललाई नरहेको कार्यदलको निष्कर्ष छ ।
