काठमाडौ, जेठ २४ (हाकाहाकी)– पछिल्लो २४ घण्टामा नेपालमा थप ३ सय २३ जनामा कोरोना पुष्टि भएको छ । योसँगै नेपालमा कुल कोरोना संक्रमितको संख्या ३ हजार २ सय ३५ पुगेको छ ।
शनिबार स्वास्थ्य तथा जनसंख्या मन्त्रालयको नियमित पत्रकार सम्मेलनमा मन्त्रालयका प्रवक्ता डा. विकास देवकोटाले देशभरका परीक्षण केन्द्रमा गरिएको परीक्षणमा थप ३ सय २३ जनाको पीसीआर रिपोर्ट पोजिटिभ आएको बताउनुभएको छ । संक्रमितमध्ये २ सय ८६ जना पुरुष र ३७ जना महिला रहेका छन् ।
