काठमाडौँ– इरान र अफगानिस्तानमाथि रहेको पश्चिमी वायुको प्रणाली आज (बुधबार) साँझसम्म नेपालको पश्चिमी भूभागमा प्रवेश गर्ने भएको छ । उक्त प्रणालीको प्रभावले नेपालको पश्चिमी उच्च पहाडी र हिमाली भूभागमा भारी हिमपातको सम्भावना रहेकाले सतर्कता अपाउन मौसमविद्ले आग्रह गरेका छन् । यो प्रणाली बिहीबार अझै सशक्त भई देशका मध्य र पूर्वका उच्च पहाडी र हिमाली भूभागमा समेत हिमपातको सम्भावना रहेको मौसमविद् मञ्जु वासीले बताइन्।
सोही प्रणालीको प्रभावले देशैभरि बदली भई अधिकतम र न्यूनतम तापक्रममा गिरावट आई चिसो बढ्ने मौसम पूर्वानुमान महाशाखाले जनाएको छ । साथै यस प्रणालीका कारण देशका पश्चिमी भूभागका धेरै स्थानमा र मध्य र पूर्वी भूभागका केही स्थानमा हल्का वर्षाको सम्भावनासमेत रहेको बताइएको छ ।
मौसम पूर्वानुमान महाशाखाका अनुसार हालसम्म नेपालमा उल्लेखनीय मौसमी प्रणाली विकास नभए पनि रातिदेखि भने पश्चिमी न्यूनचापीय प्रणाली विकास हुनेछ । महाशाखाले आगामी २४ घण्टाको मौसम पूर्वानुमान जारी गर्दै पश्चिमी उच्च पहाडी तथा हिमाली भूभागका केही स्थानमा भारी र मध्य तथा पूर्वी उच्च पहाडी तथा हिमाली भूभागका एक÷दुई स्थानमा हल्कादेखि मध्यम हिमपात हुने बताएको छ । मौसमविद्का अनुसार यो क्रम आगामी शुक्रबारसम्मै जारी रहनेछ ।
आगामी तीन दिनको मौसम पूर्वानुमान
मंसिर २५ गते (बुधबार)
दिउँसोः देशको पश्चिमि भूभाग लगायत मध्य र पूर्वी पहाडी भूभागमा आंशिक देखि सामान्य बदली रही पश्चिमि भूभाग लगायत मध्य र पूर्वी पहाडी भूभागका एक दुइ स्थानमा हल्का वर्षा हुने सम्भावना छ साथै उच्च पहाडि तथा हिमालि भूभागका थोरै स्थानहरूमा हल्का देखि मध्यम खालको हिमपात हुने तथा बाँकी भूभागमा आंशिक बदली रहनेछ।
रातीः देशको पश्चिमि भु(भाग लगायत मध्य र पूर्वी पहाडी भूभागमा सामान्य बदलि रही पश्चिमि भूभागका थोरै स्थानहरु र मध्य तथा पूर्वका एक दुइ स्थानमा हल्का वर्षा हुने सम्भावना छ पश्चिमि उच्च पहाडि तथा हिमालि भूभागका केहि स्थानहरूमा र मध्य तथा पूर्वि उच्च पहाडि तथा हिमाली भूभागका एक दुइ स्थानमा हल्का देखि मध्ययम हिमपात हुने तथा बाँकी भूभागमा आंशिक बदली रहनेछ ।
मंसिर २६ गते (विहिबार)
दिउँसोः देश भर सामान्य देखि पूर्ण वदली रही पश्चिम भेगका केहि स्थानहरू र मध्य तथा पूर्वका थोरै स्थानहरूमा हल्का वर्षा हुने सम्भावना छ । पश्चिमि उच्च पहाडी तथा हिमाली भूभागहरूमा भारी हिमपात तथा मध्य तथा पूर्वका उच्च पहाडी तथा हिमाली भूभागहरुमा हल्का देखि मध्यम हिमपात हुने देखिन्छ।
रातीः देश भर सामान्य देखि पूर्ण वदली रही पश्चिमी भेगका धेरै स्थानहरू र मध्य तथा पूर्वका केहि स्थानहरूमा हल्का वर्षा हुने सम्भावना छ । साथै पश्चिमि उच्च पहाडी तथा हिमाली भूभागहरूमा भारि हिमपात तथा मध्य तथा पूर्वका उच्च पहाडी तथा हिमाली भूभागमा हल्का देखि मध्यम हिमपात हुने सम्भाबना रहेको छ ।
मंसिर २७ गते (शुक्रबार)
दिउँसोः देश भर सामान्य देखि पूर्ण वदली रही पश्चिम भेगका केहि स्थानहरू र मध्य तथा पूर्वका थोरै स्थानहरूमा हल्का वर्षा हुने सम्भावना छ । पश्चिमि उच्च पहाडी तथा हिमाली भूभागहरुमा भारी हिमपात तथा मध्य तथा पूर्वका उच्च पहाडी तथा हिमाली भूभागहरुमा हल्का देखि मध्यम हिमपात हुने देखिन्छ।
रातीः देश भर सामान्य देखि पूर्ण वदली रही पश्चिमी भेगका धेरै स्थानहरू र मध्य तथा पूर्वका केहि स्थानहरुमा हल्का वर्षा हुने सम्भावना छ । साथै पश्चिमि उच्च पहाडी तथा हिमाली भू(भागहरुमा भारी हिमपात तथा मध्य तथा पूर्वका उच्च पहाडी तथा हिमाली भूभागमा हल्का देखि मध्यम हिमपात हुने सम्भाबना रहेको छ।
