काठमाडौँ– लाटोकोसेरोको बच्चासहित प्रहरीले दुई जनालाई पक्राउ गरेको छ।
महानगरीय प्रहरी प्रभाग मण्डिखाटारबाट खटिएको प्रहरीले बुढानीलकण्ठ नगरपालिका–९ खाली चौरबाट लाटोकोसेरोको बच्चासहित २ जनालाई बिहीबार साँझ पक्राउ गरेको हो।
पक्राउ पर्नेहरूमा काठमाडौँ कपन बस्ने काभ्रे खानिखोला घर भएका २२ वर्षीय प्रवीण तामाङ र पाँचथर दुरविम्बा घर भएका २३ वर्षीय अमित लिम्बु रहेका प्रहरीले बताएको छ।
उनीहरूलाई आवश्यक कानुनी कारवाहीको लागि जिल्ला वन कार्यालय काठमाडौँ पठाइएको महानगरीय प्रहरी वृत्त महाराजगन्जले जनाएको छ ।
