काठमाडौँ–मौसम पूर्वानुमान महाशाखाले देशको पश्चिमी पहाडी भूभागका एक दुई स्थानमा क्षणिक वर्षाको सम्भावना रहेको र बाँकी क्षेत्रमा मौसम सफा रहने जनाएको छ।
महाशाखाका अनुसार हाल देशको पश्चिमी भूभागमा आंशिकदेखि सामान्य बदली तथा मध्य र पूर्वको पहाडमा आंशिक बदली भएको र बाँकी भूभागमा सामान्यतया सफा रहेको छ।
शुक्रवार
दिउँसो :देशको पश्चिमी भूभाग लगायत मध्य तथा पूर्वी पहाडी भूभागमा आंशिक बदली रही पश्चिमी पहाडी भूभागका एक दुई स्थानमा क्षणिक वर्षाको सम्भावना रहेको छ भने बाँकी भूभागमा मौसम सामान्यतया सफा रहने महाशाखाले जनाएको छ ।
राती :महाशाखाका अनुसार देशको पूर्वी भूभाग लगायत मध्य तथा पश्चिमी पहाडी भूभागमा आंशिक बदली रही पूर्वी पहाडका एक दुई स्थानमा क्षणिक वर्षाको सम्भावना रहेको छ। बाँकी भूभागमा मौसम सामान्यतया सफा रहनेछ।
