काठमाडौ— हिमाल आरोशरणको मौसम शुरु हुनै लाग्दा विश्वको सर्वाेच्च शिखर सगरमाथा आरोहरणको लागि रुट वनाउने कार्य अन्तिम चरणमा पुगेको सरकारी अधिकारीहरुले वताएका छन् । यस सिजनको आरोहरणका लागि आरोहीहरु धमाधाम सगरमाथा वेसक्याम्प पुगिरहेका छन् ।
विगत तीन सातादेखि आठ जना आइसफल डक्टरहरुले वाटो वनाउने कार्यलाई तिव्रता दिएका छन् र केही दिनमा नै वाटो खुला हुने वताईएको छ । अहिले उनीहरुले सो रुटमा धमाधम डोरी र भ—याङकहरु जडान गरिरहेका छन् । आठ जनाको टोली वाटो वनाउँदै विहिवार पहिलो वेसक्याम्पसम्म पुगेको छ । विगतका वर्षहरुमा लिईएको वाटो भन्दा यस पटकको वाटो सबैभन्दा सुरक्षित भएको काम खटिएका शेर्पाहरुले वताएका छन् ।
यस पटकको आरोहरणका लागि धमाधाम तयारी भईरहेको छ । आरोहरण कार्यमा संलग्न व्यवसायीहरुले यस अगाडी नै धमाधम टेन्टहरु गाड्न थालिसकेका छन् । अहिलेसम्म सगरमाथा आरोहरणका लागि १५० जनाले पर्यटन विभागबाट अनुमति लिईसकेका छन् । यस सिजनमा पनि झण्डै ३०० जनाले खगरमाथा आरोहरण गर्ने सरकारी अधिकारीहरुको अनुमान छ । गत वर्ष ३७५ जनाले सगरमाथाको आरोहरण गरेका थिए । सरकारले सगरमाथा आरोहरणको ६५ वर्षगाँठ मनाउने तयारी गरिरहेको छ ।
