काठमाडौ, असार १४ (हाकाहाकी)– चौबिस घण्टा यता नेपालमा थप ४ सय ६३ जनामा कोरोना भाइरसको संक्रमण पुष्टि भएको छ ।
पछिल्लो २४ घण्टामा देशका विभिन्न प्रयोगशालामा गरिएको परीक्षणका क्रममा यी व्यक्तिमा कोरोना भाइरसको संक्रमण पोजेटिभ देखिएको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले जानकारी दिनुभयो ।
यीमध्ये १ सय ५ जना महिला हुन् भने बाँकी ३ सय ५८ जना पुरुष हुन् । आइतबार थपिएकासहित नेपालमा संक्रमितको संख्या १२ हजार ७ सय ७२ जना पुगेको छ ।
अहिलेसम्म ३ हजार १३ जना संक्रमणमुक्त भएको मन्त्रालयका प्रवक्ता जागेश्वर गौतमले जानकारी दिनुभयो । प्रवक्ता डा गौतमका अनुसार देशका ७७ वटै जिल्लामा संक्रमण देखिएको छ।
