काठमाडौ, असार १२ (हाकाहाकी)– नेपालको जनसंख्या ३ करोड नाघेको छ ।
शुक्रबार अपरान्ह्रसम्ममा नेपालको जनसंख्या ३ करोड ६ सय ३४ जना देखाइएको केन्द्रीय तथ्यांक विभागको जनसंख्या घडीमा उल्लेख गरिएको छ । यो वैज्ञानिक आधारमा प्रक्षेपण गरिएको जनसंख्या रहेको विभागका महानिर्देशक नेविनलाल श्रेष्ठले बताउनुभयो ।
यो घडी २०६८ को जनगणनाको आधारमा सेट गरिएको हो । घडीले जन्मदर, मृत्युदर र बसाईसराई दरको आधारमा जनसंख्या देखाउँछ । २०६८ सालको जनगणना अनुसार नेपालको जनसंख्या २ करोड ६४ लाख ५४ हजार ५०४ थियो । १२ औं राष्ट्रिय जनगणना २०७८ असारमा हुँदैछ ।
