काठमाडौ, असार ८ (हाकाहाकी)– तीन दिन ओरालो लागेको कोरोना संक्रमितको संख्या सोमबार ह्वात्तै बढेको छ । देशभरमा गरी गत २४ घण्टामा ५ सय ३५ संक्रमित थपिएका छन् ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले देशका विभिन्न प्रयोगशालामा गरिएको परीक्षण थप ५सय ३५ जनामा कोरोना संक्रमण पुष्टि भएको जानकारी दिए । सोमबार थपिएको संख्यासँगै कोरोना संक्रमितको कुल संख्या ९ हजार ५ सय ६१ पुगेको छ ।
यसैगरी २४ घण्टामा ३ सय ७० जना संक्रमित निको भएर डिस्चार्ज भएका छन् । योसँगै निका भएर फर्किनको संख्या २ हजार १ सय ४२ पुगेको छ । नेपालको रसुवा बाहेकका जिल्लाहरुमा कोरोना संक्रमणका बिरामी पुष्टि भइसकेका छन् । पछिल्ला दिनमा मनाङ, मुस्ताङ र ओखलढुङ्गामा कोरोनाका बिरामी पुष्टि भएका हुन ।
