काठमाडौ, असार २ (हाकाहाकी)– उत्तर कोरियाले दक्षिण कोरियासँग वार्ताका लागि बनाइएका साझा कार्यालयहरु ध्वस्त पारेको छ ।
दक्षिण कोरियाली समाचार संस्थाका अनुसार सीमा क्षेत्रमा रहेको अन्तर कोरिया सम्पर्क कार्यालय ध्वस्त पारेको हो । समाचार संस्था योनहापले सैनिक स्रोतलाई उद्धृत गर्दै सीमा क्षेत्रमा बिस्फोटको आवाज सुनिएको उल्लेख गरेकोछ ।
यसअघि उत्तर कोरियाले दक्षिण कोरियासँगको सबै सञ्चार सम्पर्क बन्द, अन्त्य गर्ने घोषणा गरेको थियो । दुई कोरियाबिच सम्पर्कका लागि सीमा क्षेत्रमा सम्पर्क कार्यालय बनाइएको थियो ।
