जलवायु परिवर्तन सम्वन्धी सन् २०१५ मा भएको ऐतिहासिक पेरिस सम्झौता कार्यान्वयनको निर्देशिका तयार पार्न अप्रिल ३० देखि मे १० सम्म जर्मनीको बोनमा उच्च सरकारी अधिकारीहरुकोे वैठक हुने भएको छ ।
निर्देशिका तयार भएमा यो सम्झौता कार्यान्यनमा आउने छ । यसको पूर्ण व्यवहारिक कार्यान्वयनको लागि निर्देशिका तथा सञ्चालन म्यानुलको आवश्यकता पर्दछ । यसको अन्तिम निर्णय चाहि यस वर्षको अन्त्यतिर पोल्याण्डमा हुने वातावरणसम्वन्धी संयुक्त राष्ट्रसंघिय सम्मेलनले गर्ने छ । सो सम्झौता कार्यान्वय गर्ने प्रक्रिया ठिक ढंगले अगाडी वढीरहेको छ अथवा छैन भन्ने भन्ने मुल्याङकन गर्नका लागि पनि निर्देशिका छिटो भन्दा छिटो तयार पार्नुपर्ने हुन्छ । पोल्याडमा हुने कोप–२४ सम्मेलनमा सफलता हात पार्नका लागि मुलुकहरुले सो निर्देशिकाको वारेमा गहन छलफल गर्न आवश्यक देखिन्छ । कोपको गत वर्ष नोभेम्वरमा भएको वैठकमा सबै मुलुकहरु यो प्रक्रियलाई गति दिनको लागि सहमत भएका थिए ।
